NANINIWALA si Pangulong Bong Bong Marcos na talagang kailangan ng bawat mamamayan ang bakuna kontra sa COVID-19 kaya ganoon na lamang ang pagsuporta nito sa programa ng DOH.
“Tayo ay nagagalak na makiisa sa programa ng Kagawaran ng Kalusugan, ang PinasLakas! Ating binibigyang-diin na kailangan ng bawat mamamayan ang bakuna at booster shots upang makabangon tayo sa pandemyang ito.” ayon kay PBBM.
Sa kabilang banda, ibinahagi din niya na nagpulong ang mga kawani ng Department of Agriculture upang pag-usapan ang hakbang para sa industriya ng niyog at asukal.”Napag-usapan naman natin sa pagpupulong ng Kagawaran ng Agrikultura ang mga hakbang para sa industriya ng asukal at niyog at pinakinggan ang mga suhestiyon ng Samahang Industriya ng Agrikultura(SINAG) para sa sektor.”
