Isang concert na sobrang espesyal at puno ng pagmamahal ang magaganap sa darating na Pebrero 15, 2025, sa Century Park Grand Ballroom. Ang gabing ito ay puno ng vibes, nostalgia, at superstar-level performances na tiyak na magpapakilig at magpapatawa sa ating lahat. Dinner starts at 6 PM, kaya make sure na gora ka early para hindi ka ma-late sa ganaps!
Ang gabing ito ay ang muling pagbabalik ng isang iconic na performer! Hindi mo dapat palampasin ang pagbabalik sa entablado ng napakagaling at multi-talented na artist na si Arnell Ignacio! Sino ba naman ang hindi nakakakilala sa kanya, di ba? Isa siyang all-around entertainer—singer, host, comedian, at actor. Ngayon na abala siya bilang OWWA Administrator, bihira na natin siyang makita sa ganitong eksena. Pero, oh my golly wow, bibigyan niya tayo ng isang pasabog na performance sa concert na ito! Aminin, mga kaps, hindi lang siya nakakatawa—ang singing prowess niya, ibang klase rin!
Ito rin ay magsisilbing reunion ng isang legendary showband. Ang muling pagbabalik ng The New Minstrels (5th Generation)! Sino ba namang tanders o young at heart ang hindi napahanga ng grupong ito noong kasikatan nila noong ‘70s hanggang ‘90s? Sa ganda ng boses, blending, at class nila, talagang wala silang katulad. Nakikita mo pa lang sila sa entablado, winner na winner na! Ang saya ng makita silang magbalik-tanaw sa mga classic hits na nagpahinga na pero laging sariwa sa puso natin.
Hindi pa tapos ang listahan ng mga bonggang performers! Magpapasiklab din ang ilan sa mga alumni ng The New Minstrels na nagtagumpay sa kani-kanilang solo careers: si Chad Borja na kilala sa kanyang smooth and soulful voice, si Alynna na tunay na diva-level, at si Atty. Rene Puno, isang abogadong may kakaibang talento sa musika.
Ilulunsad din sa gabing ito ang ‘The ‘K’ Gang’, isang bagong breed ng entertainers at content creators na maghahatid ng bagong kwento at kilig sa isang nationwide streaming platform. Aba, mukhang exciting ito, ha!
Kaya kailangan mong pumunta talaga. Simple lang, mga kaps, dahil ang gabing ito ay puno ng pag-ibig, tawanan, at musika na walang expiration date. Perfect ito para sa mga naghahanap ng classic feels at para na rin sa mga gustong ma-feel ang init ng post-Valentine vibes.
See you sa ‘TIMELESS… MUSIC & LAUGHTER!’
