Walang tatalo sa pagiging iconic ng ‘Goin’ Bulilit’ pagdating sa pagpapatawa, at isa sa mga OG na batang ‘Bulilit’ na hanggang ngayon kilala pa rin sa show ay si CJ Navato! Chariz, kahit matagal na siyang graduate, hindi pa rin nawawala sa kanya ang pagiging kwela at natural sa pagpapatawa.
Nagsimula si CJ sa ‘Goin’ Bulilit’ noong 2005 at naging bahagi siya ng ‘Fifth Batch Graduates’ noong 2008, kasama sina Kathryn Bernardo, Jane Oineza, Steven Fermo, at Mikylla Ramirez. Pero kahit na lumabas na siya sa show, hindi maikakaila na ito ang nagbigay sa kanya ng break sa industriya. Up to this day, marami pa rin ang naka-associate sa kanya bilang batang ‘Bulilit’—kahit pa obvious naman na grown-up na siya, besh!
Isa sa mga nagpasalamat talaga si CJ ay sa kanilang direktor na si Bobot Mortiz, na tumulong sa paghubog ng kanyang talento sa pag-arte at pagpapatawa. Sabi nga niya, “It’s rooted in me being a ‘Goin’ Bulilit’ kid. Up to this day, nadala ko ang comic timing ko. Natural na sa akin na magpatawa. I love making people laugh. That has been part of my normal interaction with people.” Taray, diba? Kahit saan dalhin, comedy vibes pa rin ang dala!
Truly, nag-level up na si CJ Navato from TV to theater. Bago pa man maging ‘Bulilit,’ sumali muna si CJ sa ‘Star Circle Quest’ noong 2004, kung saan napasama siya sa ‘Magic Circle of 5’ kasama sina Nash Aguas, Sharlene San Pedro, Aaron Junatas, at Mikylla Ramirez. Dito pa lang, bet na bet na niya maging artista, kaya naman hindi nakapagtataka na hanggang ngayon, tuloy-tuloy pa rin siya sa pag-explore ng kanyang craft.
Pero ang pinaka-bonggang plot twist? Ang pagiging stage actor niya! Noong 2018, pinasok ni CJ ang teatro sa pamamagitan ng PETA play na ‘Charot’. Tapos last year, nag-level up siya bilang bida sa ‘One More Chance: The Musical’, kung saan ginampanan niya ang iconic role ni Popoy na unang pinasikat ni John Lloyd Cruz sa pelikula. Ka-alternate niya rito si Sam Concepcion, at ang kanyang Basia ay si Nicole Omillo.
“Nung narinig ko pa lang na gagawin siyang musical, at inoffer sa akin mag-audition, agad-agad akong ‘yes!’” kuwento ni CJ. Well, sino ba naman ang tatanggi sa ganap na ‘yun, diba?
Ngayon, nasa rehearsal mode siya para sa dalawang bagong plays—ang ‘Kislap at Fuego’ ng PETA, at ang ‘Liwanag sa Dilim’ ng 9 Works Theatrical, na musical based sa kanta ni Rico Blanco. Dito, makakasama niya sina Khalil Ramos, Anthony Rosaldo, Alexa Ilacad, Rita Daniela, at Nicole Omillo. Ang galing, ‘di ba? Grabe ang career glow-up ni CJ!
CJ’s theater dream is from local stage to international. In fairness, hindi lang basta trip-trip ang pagpasok ni CJ sa teatro. Aminado siya na ang experience niya sa stage ay malaking tulong sa pag-improve ng kanyang acting skills. Sabi niya, “On TV, you don’t always do a workshop when you do a scene. When I read a script, I realized I’m more equipped now, when I’m on TV or theater.”
At hindi pa diyan natatapos ang dreams ni CJ, ha! Gusto rin niyang ma-explore ang pagiging part ng isang English musical. “I enjoy expanding my craft, especially my singing and performing,” sey pa niya. Pak! International level na ang next goal ni beshy!
Malapit nang magsimula ang run ng ‘Liwanag sa Dilim’, kung saan gaganap si CJ bilang Chris, na ka-alternate ni Vien King. Mapapanood ito sa Carlos P. Romulo Theater sa RCBC Building starting March 7.
Kaya sa mga na-miss si CJ sa TV, ito na ang chance n’yo para makita siyang live sa stage! From ‘Goin’ Bulilit’ to musical lead, CJ Navato proves na hindi lang siya pang-comedy—pang-theater leading man din! Bongga, ‘di ba?
Panoorin at suportahan natin siya! Tuloy-tuloy ang ‘Liwanag sa Dilim’… at mukhang si CJ, tuloy-tuloy rin ang career glow-up!
Pinoy News Channel is happy for you, CJ. Huge congratulations!
‘Yun na!
