PINANGUNAHAN ni JCSUPT PAULINO H. MORENO JR., Regional Director ng Jail Bureau ang Oath-Taking Ceremony ng may 234 na mga bagong talaga na Jail Officer 1 sa Multi-Purpose Hall , Bataan District Jail Male Dormitory, sa Orani , Bataan kahapon, Hulyo 16, 2025.
Ang mga naturang mga bagong recruit ay nakatakdang sumailalim sa Jail Basic Recruit Course (JBRC), na mandatory training program na dinisenyo upang makapagbigay ng mas malalim na kaalaman at values na inaasahan sa isang responsable at mahusay na Jail Officer.
Inaasahan naman na ito ay higit na magpapasigla at magkakaloob ng karagdagang puwersa sa layunin ng BJMP Region III na higit pang mapaangat at mas mapabuti ang kalagayan ng ating mga PDL sa ilalim ng pamamatnubay ng “Serbisyong may puso at Malasakit” na tatak ng rehiyon.
