Naging usap-usapan noon at laman ng kontrobersya ang mga aktor na may kumakalat na sex video.
Pero madalas naman na kapag natatanong ang mga nasasangkot ay todo denay ang mga ito na sila ang nasa video kahit na may resibo pa.
Sa ganitong usapin, maipagkakapuri mo naman ang VMX actor na si Rash Flores.
Sa mga kumalat na sex videos, siya lamang kasi ang nagkalakas ng loob na umaming siya nga ang lalakeng nakikipagtalik sa nasabing scandal.
“Kesa lumaki pa, pinili ko na po na aminin na ako iyong nasa video, “pakli niya.
Tulad ng sinasabi niya, biktima raw siya ng pagtitiwala sa babaeng nakatalik niya sa nag-leak na video.
“Matagal na po iyong video na iyon. Aminado naman po ako na may kasalanan din po ako sa mga pangyayari. May nakikila po kasi akong girl, nag-chat kami. Nagkita, then nangyari nga ang lahat. Pero, isa iyon sa mga pinagsisisihan ko kasi di ko naman inakala na may camera at magle-leak siya,”paliwanag niya.
Ikinaila rin niya nakipag-collab siya sa nasabing girl ayon sa espekulasyon.
“Wala pong katotohanan iyon. Katunayan, hindi ko po personal na kakilala iyong girl. Nangyari lang po siya dahil sa pagiging mapusok ko,” esplika niya.
Gayunpaman, marami raw siyang natutunan sa naturang karanasan.
“Sa ngayon, mas maingat na rin po ako sa mga ikinikilos ko. Kasi bilang celebrity, tinitingnan ka talaga ng publiko at ng followers mo,” bulalas niya. “Mas nagpopokus na lang po ako sa trabaho ko at kung paano i-improve ang craft ko. Gusto ko ring maka-inspire ako sa mga katrabaho ko at sa mga naniniwala sa akin, ,”dugtong niya.
Nagpapasalamat din siya sa suportang natanggap niya sa kanyang mga kaibigan sa kabila ng lahat.
“Wala pong judgment. Tanggap nila iyong kahinaan ko. Marami nga po ang nangumusta after na mag-leak iyong video, nag-alala sila. May mga pinalakas ang loob ko at ipinagdasal ako,”pagbabahagi niya.
Masasabi rin daw niya na isang yugto ang nangyaring iyon sa pagiging wild niya.
“Ayaw ko pong i-justify pero lahat naman tayo nagkakamali. Dumadaan sa phase ng pagiging wild,”sey niya. “Ang importante po ay natututo tayo sa mga leksyon base sa karanasan natin,”pagtatapos niya.
Si Rash ay isa sa mga bida sa pelikulang “Wild Boys” na palabas na sa mga sinehan sa buong bans.
Sa nasabing movie na inspired ng Magic Make, Step Up at Stomp The Yard, ginagampanan niya ang papel ng isang financier.
Mula sa direksyon ni Carlos Morales, kasama rin sa cast sina Aljur Abrenica, Vin Abrenica, Martin Escudero, Kristofer Garcia, Hashtag Jimboy Martin, Christian Ty, Billy James, Christian Singson, at Pedro Red. Nasa supporting cast sina Rolando Inocencio, Cataleya Surio, Mariposa, Krista Miller, Ina Alegre, Atak Araña, Inday Garutay at iba pa.
