Isa sa pasabog ng 1st anniversary ng ‘Showbiz Pulis’ ng Abante sa March 1, 2PM ay ang exclusive interview kay Belle Mariano. Live guest din ang President & CEO ng Aficionado , ang Lord of Scents at may walong anak (tatlong kambal at dalawang separate birth through surrogacy) na si Joel Cruz.
Ang ‘Showbiz Pulis’ ay isang showbiz oriented talk show na palabas sa online at teleradyo ng Abante tuwing Sabado at Linggo, 2PM. Napapanood at napapakinggan sa DWAR Abante Radyo Facebook Page , DWAR Abante Radyo YouTube channel, DWAR 1494, SKYCable channel 85, Converge channel 79, TCL Smart TV, Blast TV, K5 News FM, Samsung TV Plus, Parasat cable tv sa Mindanao at Amasian TV North America.
Ang Entertainment editor ng Abante Tonite na si Roldan Castro ang host. Siya ay 3 beses na naging pangulo ng PMPC (Philippine Movie Press Club,Inc.). Tinagurian siyang Father ng PMPC Star Awards for Music. Sa isang taon niya sa ‘Showbiz Pulis’ pinangaralan siya bilang Distinct Online TV & Radio host ng 3rd Philippines Distinct Men & Women of Excellence Awards. Ginawaran din siya ng Philippine Arts Film & Television, Inc (PAFTA) kamakailan ng Excellence in Entertainment Journalism dahil sa valuable contribution to Philippine film and television journalism.
“Regalo ‘yan sa celebration namin sa 1st anniversary ng ‘Showbiz Pulis.’ Thank you sa tiwala ng management dahil 1 buwan lang ang binigay sa show kung magki-click ito or else babu pero umabot na tayo ng isang taon. Maraming salamat sa mga sumusuporta at tumatangkilik ng programa,” deklara ni Roldan.
Napapanood sa ‘Showbiz Pulis’ ang mga segment na ‘Oplan Sita,’ ‘Ronda,’ ‘Showbiz Undercover,’ ‘Showbiz Investigate,’ ‘Fan Zone,’ ‘Video Resibo,’ ‘Cinema Pulis’ at ‘CCTV .’ Ang Executive Producer ng ‘Showbiz Pulis’ ay si Jason Gucilatar. Gustong pasalamatan ng ‘Showbiz Pulis’ ang Fernandos Bakeshop para sa cake at Bait Lehem-House of Bread na magbibigay saya sa selebrasyon.
