Ipinagtanggol ng TV host at aktor na si Betong Sumaya ang kapwa artista na sumusuporta sa entertainment online games.
Hindi naman daw masamang mag-endorso ang mga artista o kilalang personalidad tulad nina Piolo Pascual, Maine Mendoza, Rein Escaño, at latest nga ay si Vic Sotto para sa Playtime.
Sabi pa ni Betong, as long as responsible player ang mga ito, kasama na siya ay hindi ito makakasama sa kani-kanilang followers.
“Maging responsable lang sa paglalaro. Hindi naman porke nandito kami ay para i-encourage sila maglaro,” banggit ni Betong sa nakaraang media launch ng Ultimate 100 Cars Giveaway promo ng Playtime.
Kasama si Betong sa mga celebrity guests sa nasabing media launch at sa pagdiriwang ng milyun-milyong followers sa kanilang Facebook page at nakisaya sila sa kasayahan ng management.
“We’re helping them to promote iyong kanilang epic news na 100 brand new cars basta siyempre with four easy steps lang na napakadaling gawin.
“So, sana matulungan natin sila na umabot ng 50 million. Kasi kapag nag-50 million likes and followers eh, 100 brand new cars ang ipamimigay nila,” sambit pa ni Sumaya.
Inaming naglalaro ng online games si Betong bilang, “Pampatanggal lang ng stress. Kasi siyempre kapag ganito maging responsible ka. Mahirap din siyempre na ma-hook ka nang ma-hook. At siyempre kailangan balanced.”
At sa mga artistang bina-bash sa pagpo-promote ng ganitong games, ito lang ang masasabi ni Betong.
“Sa akin hindi naman issue, magandang way din ito para sabihin namin na lahat naman tayo, one way or another nakapaglaro. Pero may kakabit itong mensahe na ‘be responsible!’
“In our own way na masabi namin na, we’re not encouraging na maglaro pero be responsible. Kasi kahit ano rin naman ang gawin natin kung maglalaro at maglalaro, nasa kanila na ‘yon.
“So for me, this is one way din para sabihin na it’s okey pero be responsible. Mahirap kapag na-hook nang na-hook. At kapag wala kang pera, ‘wag kang maglaro. ‘Yung mangungutang.”
Sa nasabing media launch ay dumating din sina Betong, Liezel Lopez, Alethea Ambrosio, Monique Vasquez, Prince Clemente, Sam Acosta, Binibining Playtime, Petite, Cheska Fausto, Negi, at Migs Villasis.
Ayon kay Jay Sabale, Senior PR Manager ng naturang online game, “We owe its success to its incredible and ever-growing community. This giveaway is our way of saying ‘thank you’ to those who have supported us and made our journey special. As our community grows, more fun, interactive and engaging games await our customers.”
Samantala, natanong naman namin si Betong kung masasabi rin ba niyang parang sugal din ang pag-ibig, “Ay oo! Parang sugal talaga ang pag-ibig. Pwede kang manalo pwede kang matalo. Mamumuhunan ka rin kasi sa pag-ibig, ‘yung feelings mo at iyong ipinuhunan mo mabalewala.”
* * * * * * *
Inihahandog ng Fire and Ice LIVE! ang critically-acclaimed stage play na ‘Choosing’, na pagbibidahan ng mag-asawang sina Ice Seguerra at Liza Diño.
Tatakbo mula Hunyo 6 hanggang 15, 2025, sa Doreen Black Box Theater, Arete, Ateneo de Manila University ang makapangyarihang dalawang-taong dramang ito na isinulat ni Liza na unang napanood noong 2024.
Maranasan ang isang matapang at malalim na nakakaantig na kuwento tungkol sa pag-ibig, pagkakakilanlan, at mga pagpipilian na tumutukoy sa atin.
“Through Fire and Ice LIVE!, we are committed to showcasing world-class Filipino productions and keep our local performing arts scene thriving,” pagbabahagi ni Liza Diño-Seguerra, co-founder ng Fire and Ice LIVE! at playwright ng ‘Pagpili’.
“Ang dulang ito ay naglalaman ng aming pananaw na gawing isang pandaigdigang karanasan ang pagkamalikhain ng Filipino, na naglalahad ng isang kuwento na parehong malalim na personal at nakakatunog sa pangkalahatan,” sey ni Liza.
Ang ‘Pagpili’ ay isang matalik na gawaing teatro na lumalaban sa genre na hango sa totoong buhay na mga karanasan ng mga nangungunang performers nito, na isang mag-asawa sa labas ng entablado.
Sinusundan ng kuwento si Stella, isang babaeng cisgender, at si Mitch, isang transgender na lalaki, habang iniisip nila ang mga mahahalagang sandali sa kanilang buhay mula sa maagang pagkamulat sa sarili at sekswalidad hanggang sa mga pagsubok na kanilang nalampasan nang magkasama.
Sinasaliksik ng dula ang mga tema ng pagkakakilanlan ng kasarian, pag-ibig, trauma, pagpapagaling, at personal na pagbabagong-anyo, na nagbibigay-liwanag sa madalas na hindi sinasabing mga hamon ng mga relasyon na nagna-navigate sa malalim na pagbabago.
Sa pamamagitan ng mga hilaw at taos-pusong monologo at diyalogo, sina Stella at Mitch ay nahaharap sa mga isyu tulad ng sekswal na pang-aabuso, pagpayag, at muling pagbuo ng tiwala.
Sa huli ay natuklasan ang kapangyarihan ng pagpili sa pagtanggap ng kagalakan at pananatiling tapat sa kanilang sarili.
