Well, Well, Well… Muling pinag-uusapan sa mundo ng showbiz at adbokasiya ang pangalan ni Gerald Santos—hindi lamang dahil sa kanyang flawless na boses at pang-world class na stage presence, kundi dahil sa mas malalim na misyon: ang pagbibigay liwanag, tulong, at pag-asa sa mga biktima ng pang-aabuso.
After ng bonggang-bonggang tagumpay (and take note, sold-out show) ng ‘HAPHOW The Musical’ sa The Theatre at Solaire, eto na naman si Gerald with another show na may puso—‘Gerald Santos: Gives Back’, na gaganapin sa July 11, 2025, 7 PM sa Music Museum. Hatid ng EBQ International Entertainment Productions, tampok sa concert sina Lindsay Bolaños at Jopper Ril, sa direksyon ni Antonino Rommel Ramilo at produksyon ni Evelyn Fernandez Bruce.
Pero hindi lang ito basta-bastang concert. Ang event ay may mas malalim na layunin—isuporta ang Courage Movement, isang foundation na mismong si Gerald ang nagtatag para sa mga biktima ng sexual abuse at rape.
“I felt naked in public…”
Hindi madali ang pinagdaanan ni Gerald. Taong 2024 nang kanyang ibinunyag sa publiko na siya ay ginahasa sa edad na 15. Sa kanyang pag-amin, sinabi niyang, “I felt naked in public,” pero sa kabila ng sakit, natagpuan niya ang pagpapagaling sa katotohanan at muling binuhay ang kanyang layunin—ang maging boses para sa mga katulad niyang biktima.
Dahil sa kanyang paglalantad, nagkaroon ng Senate hearings at inaksyunan ang mga kaso. Ang kanyang katapangan ay naging inspirasyon sa marami, at doon isinilang ang Courage Movement, na ngayo’y kaagapay ng Public Attorney’s Office para magbigay ng legal at psychological support sa mga nangangailangan. May ganap, ‘teh!
Early this year, umarangkada ang kanyang sold-out concert na ‘Courage’ sa SM North EDSA Skydome. Bukod sa mga nakakabirit na kanta tulad ng ‘Defying Gravity’ at ‘Always Remember Us This Way’, ang tunay na highlight ay ang paglulunsad ng Courage Movement at ang pagpapakawala niya ng kantang ‘Hubad’—isang haunting na awitin na isinulat ni Feb Cabahug tungkol sa sakit, katotohanan, at muling pagbangon. Sa concert ding iyon, inamin niya sa publiko ang kanyang trauma—isang act of pure bravery na hindi matutumbasan ng kahit ilang standing ovation.
Balikan natin ang kanyang humble beginnings. Sino bang makakalimot noong 2006 nang manalo si Gerald sa Pinoy Pop Superstar sa edad na 15? Hanggang ngayon, dama pa rin ang impact ng kanyang performance noon.
Fast forward sa present—nakailang albums, awards, at international tours na si Gerald. Isa sa kanyang career peaks ay ang role niya bilang Thuy sa European tour ng ‘Miss Saigon’—na ginampanan niya ng over 500 times across five countries! Global ang lodi natin, mga nini.
At hindi lang siya basta umaarte, gumagawa na rin siya ng music. Sa musical na San Pedro Calungsod, hindi lang siya bida—nakibahagi rin siya sa pagbuo ng cast album na nirelease niya mismo sa kanyang kaarawan. Ganon siya ka-passionate, in everything that he does.
Ngayong 2025, super excited pa rin ang mga fans sa muling pagbabalik ng ‘HAPHOW The Musical’, na magkakaroon ng repeat runs this September, October, and November. Pero wait, may mas exciting pa—Gerald’s 20th Anniversary sa showbiz sa 2026! Pinaplano na ito kasama ang creative director at manager niyang si Antonino Rommel Ramilo. Nakatakdang ganapin ang bonggacious na concert na ito sa isang malaking venue. Aba, dapat lang bongga—dalawang dekadang karera na puno ng talento, puso, at katapangan.
Kung meron mang celeb na tunay na artista with a cause, walang duda si Gerald ‘yan. Hindi lang siya performer, isa siyang changemaker. Isa siyang survivor na hindi lang tumayo muli, kundi gumawa ng platform para sa kapwa survivors. Sa mga panayam, inamin niya na ang mga taong lumapit sa kanya matapos niyang mag-open up ang nagpatatag sa kanya.
Sabi niya, “When I came out in the open about what happened to me… I felt naked in public. Those two words—courageous and naked—perfectly defined me.”
At yan ang essence ni Gerald—tunay, matapang, at may malasakit. Isa siyang ilaw sa dilim, isang tinig ng pag-asa, at isang paalala na may ganda sa pagbabalikwas at may lakas sa pagiging totoo.
Gerald Santos is not just surviving. He’s thriving—and helping others to rise with him. Kaya kung hanap mo ang music na may saysay, performance na may puso, at isang artista na tunay na may ‘courage’—nahanap mo na siya. Siya na. Wala nang iba.
Gerald Santos, you are the moment!
‘Yun na!
