VIRAL ang pinakabagong TVC ng McDo (isang sikat na fastfood chain. In time for Christmas, ang tema ng commercial ay pagkakasundo ng mga magkaribal pagdating sa tsibugan. Bida sa nasabing TVC sina Vice Ganda ng “It’s Showtime” at Paolo Ballesteros ng “E.A.T.” Panalo rin ang witty na linyahan ng dalawa habang nagsasalo sila sa pagkain ng chicken. Marami namang kafaneyan ang nag-react sa collaboration ng dalawang reyna. Sa X media platform, may mga humirit din na sana’y magsama sila sa isang proyekto o kaya’y maging guest din si Vice sa Drag Race Philippines.
Ito ang kanilang mga komento. “Yassss!! The Collab We Need!!! “Iconicccccc” “Hindi nagpakabog ang kagandahan ni meme Vice Ganda dito. Dami din siguro nashock dito. Kudos to Mc Do for making this possible. ” “@dragraceph kahit gawin niyo nalang resident hurado si meme sa mga susunod na season pls give niyo na” “Drag Race Philippines naman please!! Waahhh my heart ” “napakatalino para pagsamahin sila.sana may movie din soon” “Sana Magkamovie Silang Dalawa” “Wooow good vibes na good vibes” “Mother and mama”
FIRST QCinema Project Market, Nagkaloob ng 26 Million Grants and Prizes sa PH and SEA Film Projects. Inanunsyo ng QCinema Project Market, ang opisyal na film industry initiative ng QCinema International Film Festival (QCinema) ang film project winners sa inagurasyon na ginanap sa Novotel Hotel Araneta sa Cubao sa Quezon City kamakailan. Pinagkalooban ng monetary support at co-production grants na nagkakahalaga ng humigit kumulang na P26 milyon ang mga napili. Ang nakatanggap ng QCinema Project Market – Philippines Co-production Grant na nagkakahalaga ng $55,000 (3M PHP) bawat isa ay ang “The Remotes” ni John Torres at “Filipiñana” ni Rafael Manuel.
Ang “The Boy and the Fight of Spiders (Diwalwal)” ni Jarell Serencio at“Ella Arcangel: Ballad of Tooth and Claw” mula sa comic book series na may kaparehong titulo ni Mervin Malonzo ay parehong wagi naman ng $27,000 (1.5M PHP) production grant bawat isa. Wagi naman ng QCinema Project Market – Southeast Asia Co-production Grant na nagkakahalaga ng $35,000 bawat isa ang “The Sea is Calm Tonight” ng Vietnamese director na si Le Bao at ang dalawang Singaporean projects na “The Drought” ni Nelson Yeo at “Trinity” ni Boo Junfeng.
Ito ang kumpletong listahan ng mga nagwagi ng film grants at prizes sa First QCinema Project Market. Ang QCinema Project Market ay pinangangasiwaan ni Liza Dino-Seguerra, QCinema Project Market Managing Director sa pakikipagtulungan ng QCinema Festival Director na si Ed Lejano.
