MIYERKULES – Limang miyembro ng isang pamilya ang isinugod sa isang pagamutan matapos matupok ng apoy ang kanilang tinutuluyang unit sa isang gusali na matatagpuan sa Barangay Tejeros, Makati City.
Ang sunog ay sumiklab sa ground floor ng Building 2 ng Bliss housing sa H. Santos Street bago mag-ala-1:30 ng madaling-araw ayon sa ulat ng Bureau of Fire Protection – National Capital Region (BFP-NCR),
Ayon sa kapitbahay na si Judy Penera, bago narinig sila na pumutok sa sala ng unit ng pamilya Parrenas bago Nakita ang apoy at napalikas sila.
Dahil naharang na ang pinto ng apoy hindi na agad nakalabas ang nakatirang pamilya dagdag pa niya.
Itinaas ang unang alarma at napigilan ang pagkalat ng apoy sa ibang unit pagdating ng mga bombero.
Ang sunog ay naapula makalipas ang isang oras.
Dito pa lamang isa-isang nailabas ang mag-asawang sina Edelberg, 32, at Charlene, 35, at ang 3 nilang anak na edad 8 (walo), 5 (lima), at 2 (dalawa).
Walang malay ang karamihan sa kanila at nahirapang huminga ang isa ayon pa kay Penera.
Ang nabanggit na mag-anak ay dinala sa Sta. Ana Hospital sa Maynila
Isa sa hihinalang dahilan ng sunog ay ang nakitang nakasaksak na baterya ng e-bike sa sala.
Kasalukuyang imbestigasyon ng Makati City fire station ang nasabing pangyayari.
Maayos na ang lagay ng mga magulang at 2 anak na babae pero inoobserbahan pa ang bunsong lalaki ayon ito sa kamag-anak ng mga biktima. – Royrobertson Dimasaca