PRIOR sa pagsabog ng galit ni Vice Ganda sa PAL, minarkahan naman ng Unkabogable Star at kasamahang hosts, Anne Curtis at Vhong Navarro, ng “It’s Showtime” ang 14th anniversary ng Kapamilya noontime show. Say ni Anne sa kanyang post sa Instagram, “14 years with so many mems. There’s a part na nakakaiyak but don’t worry made it bawi right away to make you guys laugh again with some pretty solid moments. Grabe hirap to compile all of my faves but this is what I could find on TikTok but I’m sure there’s so much more.” Nalungkot lang daw si Anne na ‘di nila na-celebrate ang anniversary ng “It’s Showtime” sa ere.
Pagpapatuloy ni Anne, “Sad we aren’t celebrating with you on air today but hey, just a few more sleeps! Showtime will be right back! Happy anniversary Madlang People and Showtime fam! We love you guys!” Eto naman ang caption ni Vice sa ipinost niya sa kanyang Facebook page, “Happy 14’th anniversary my It’s Showtime family!!!! You are worth all the joy and pain. You are worth fighting for. To more years full of love with you and the Madlang People!!! Papapapapapapa ra papa!!!!” Todo-pasasalamat din si Vhong sa madlang pipol sa patuloy na suporta nila sa “It’s showtime.” Mensahe ni Vhong, Maraming salamat, Madlang Pips sa patuloy ninyong pagsuporta at pagmamahal sa It’s Showtime! Happy 14th Anniversary my Showtime fam!”
WINNER ang Team Charmers na kinabibilangan ng favorite child star namin na si Franchesko “Choco” Maafi sa Family Feud episode. Actually, parehong mahuhusay at matatino lahat ng Kapuso child stars na kasali. At super enjoy silang panoorin. That was the first time raw na naglaro sa Family Feud ay mga child star. At tiyak na masusundan pa dahil sa kakaibang saya at energy na dala nila sa show at sa viewers. Hindi lang si Choco ang nag-enjoy sa guesting niya, pati ang mommy ni Choco na si Raki ‘Dada’ Alcantara na number.one fan pala ng host ni Dingdong Dantes. Katunayan, ipinaglihi pala ni Dada Raki si Choco kay Dingdong. No wonder, may hawig sina Choco at Dingdong, huh. Well, after manalo, wish namin na magkatrabaho sina Dingdong at Choco. Pwedeng mag-ama or as young Dingdong. At sana mangyari ito sa movie na shino-shoot ni Dingdong with his wife na si Marian Rivera, ang Rewind.
