SUMALANG sa Fast Talk with Boy Abunda ang beauty queen turned actress na si Ariella Arida. Aniya kung papipiliin daw siya ng dyowa, bet niya ang afam kesa Pinoy. Type din daw niya sa lalake ang mas nakatatanda sa kanya. Non-showbiz din daw ang gusto niyang maging boyfriend. Tipo rin daw niya sa hombre ang malaki ang kita kesa malaki ang katawan. Choice din daw niya ang maging beauty queen at drama queen. Between swimsuit and evening gown, mas feel daw niya ang una. Bet din daw niya ang magpatawa at maging kontrabida. Kung mabibigyan ng pagkakataon, pantasya raw niyang makatambal si Jericho Rosales. Pangarap daw naman niyang masampal si Bea Alonzo. Preferred din daw niya ang acting over hosting. Si Maxine Medina raw naman ang itinuturing niyang best friend sa showbiz. Showbiz crush daw naman niya ang Korean oppa na si Park Seo-Joon. Dream daw naman niya ang makapagbida sa isang action movie. From a scale of one to ten, twenty raw siya pagdating sa pagiging baliw magmahal.
SINE SINTA: PAG-IBIG AT PELIKULA
MGA piling pelikula tampok sa Sine Sinta Ngayong Pebrero, ipagdiriwang ng Film Development Council of the Philippines (FDCP) ang buwan ng mga Puso sa paghahandog ng Sine Sinta: Pag-ibig at Pelikula. Tampok sa nasabing selebrasyon ang pagpapalabas ng mga di malilimutang klasiko at napapanahunang mga obra tungkol sa romansa na naikintal na sa kamalayan ng mga Pinoy. Ito ay kasalukuyang idinaraos sa Ayala Malls Trinoma, The Metropolitan Theater (MET) at FDCP Cinematheque Centres at magtatagal hanggang Pebrero 23. May iba naman ay mapapanood online sa JuanFlix: The FDCP Channel sa katapusan ng buwan. Sa pamamagitan ng Sine Sinta, layunin ng FDCP na makapagbigay saya sa madlang Pinoy. “Sana po ay makapagbigay ng saya at buhay muli sa inyong mga puso ang mga pelikulang inihanda namin,” ayon sa FDCP Chairman at CEO Tirso Cruz III . “Ito rin ay para anyayaan tayong lahat na magbigay ng pag-ibig sa mga kapwa nating Pilipino, upang matandaan natin na ang pag-ibig ay para sa lahat,” dagdag niya.
Kasama sa lineup ng mga pelikulang ipalalabas ang One More Chance ni Cathy Garcia-Sampana, Kita-Kita ni Sigrid Andrea Bernardo. Sa FDCP Cinematheque Centres sa Manila, Iloilo, Davao, Nabunturan, at Negros ay tampok ang mga klasikong pelikulang “Giliw Ko” (1939) ni Carlos Vander Tolosa, “Radio Romance”(1996) ni Jose Javier Reyes, “Hey Babe” (1999) ni Bb.Joyce Bernal, “Never Not Love You” (2018) ni Antoinette Jadaone. Sa Sine Sinta Shorts naman ay tampok ang “Living Things” (2020) ni Martika Escobar, “Pusong Bato” (2014) ni Martika Escobar, “Hiraya” (2022) ni Kaloy Cabarrubias,”If I Could Give You the Moon” (2022) ni Francis Tavas,”Within Frames: Us in Different Worlds” (2023) ni Jasper Tan, “Please, Remember This Night” (2023) ni Joshua de Vera,”Two-Part Ways” (2022) ni Aldrin de la Paz, at “Love in the Ungodly Hour” (2021) ni Bradley Jason Pantajo.
