HANGA rin tayo sa tibay at determinasyon ni Senator Ronald ” BATO ” dela Rosa.
Matindi si senator…kahit matindi ang pressure sa gitna ng isinasagawang hearing tungkol sa kontrobersyal na PDEA leaks ay tuloy pa rin siya sa paghahalukay at pag-iimbestiga kahit pa ang mga malalaking pangalan sa pulitika na ang isinasangkot ang mga pangalan.
Sangkatutak na ang mga isyu na tinalakay at inimbestigahan sa senado tugkol sa iba’t ibang mga naging isyu na may kinalaman sa mga naging pangulo sa ating bansa pero kakaiba ang isang ito dahil tungkol ito sa masalimuot na isyu na may kinalaman sa droga.
Marami nang nasasabit na iba’t ibang mga personalidad, may malalaki at may maliliit.
Kitang-kita na naman ang pagkakahati-hati ng ating mga kababayan tungkol sa isyung ito.
Kung kaya’t marami na ang nananawagan na ihinto na ito at para pansamantalang mahinto na rin muna ang bangayan na may kinalaman sa mga Marcos at mga Duterte.
Ang totoo ay napakaraming tunay na problema ang bayan at ang una diyan ay ang mataas na bilihin na wala na yatang balak ibaba, kapos na sahod ng mga manggagawang pinoy at iba ang mga pambansang suliranin.
Bwisit na yan, kaya nga ibinoto kayo ng mga tao dahil magkakampi kayo para tumuloy na ang pag angat ng bansa dahil naiinis tayo noon dahil kalaban ni Pres. Duterte si VP Leni at ang iniisip ng mga tao ay tiyak na magiging maayos na ang takbo ng pamahalaan dahil magkakampi na ay magkapartido pa ang nanalo.
Pero ang katotohanan, masahol pa kayo sa mortal na magkaaway ngayon…asan na ‘yung lintik na UNITEAM?
Ayusin nyo yan nabubwisit na ang mga pinoy!
00000ooooo000000ooooo
MAHILIG ba kayo sa bato?
Ano’ng klaseng bato?
Ang bato ay may iba’t ibang uri na nabibilang sa matataas na elemento katulad ng silver, diamond platinum atbp.
Sa larawang ito, makikita nyo ang tatlong uri ng bato ay isang moonstone, Giant Pearl Stone at Cultured Stone.
Ang mga ito ay matatagpuan sa kailaliman ng dagat dito sa Pilipinas.
Maraming likas na yaman na hindi natin matarok kung ano ang ibig sabihin ng mga ito.
Tanging ang makapangyarihang Diyos lamang ang nakakalaalam ng kanyang nilikha sa mundong ito.
( Para sa inyong reklamo o suhestiyon tumawag o magtext sa 0950 151 1929)
