FIRST Famas Best Supporting Actress Award ang natanggap ni Nikki Valdez kamakailan kaya sobrang memorable ito sa kanya. During her acceptance speech ay nakiusap pa siya na huwag naman kaagad siyang i-cut habang nagmo-moment pa sa stage. Ani Nikki, “Sorry po, wait lang. I didn’t make a speech but I made a list of who to thank. Sorry po, huwag n’yo muna akong simulan ng timer.” Nagpasalamat agad si Nikki sa Panginoon sa biyayang kanyang natanggap. “Unang-una po salamat Panginoon. Salamat Famas, this is my first Famas. Sabi ko masarap ma-nominate, mas masarap pa lang may hawak na trophy. To Cineko Films, thank you Mayor Enrico Roque for producing our heartwarming and loving movie about family,” lahad ni Nikki.
Pinasalamatan din ni Nikki ang writer ng pelikula na si Mel del Rosario at ang direktor nito na si Nuel Naval. “Thank you po for writing the irrelable truthful story about family and our parents. Thank you so much. To Direk Nuel Naval. I always thank you for believing in me mapa-three sequences, one sequence, walang dialogue, pero naniniwala ka palagi sa akin that’s why you always include me in your projects. To my Starmagic family, Direk Lauren (Dyogi) and my handler, thank you.” Pinasalamatan din ni Nikki ang mister at ang butihing ina. “I share this award with my co-stars, crew and staff. I dedicate this award to my family, my loving husband… wait lang po, this is my first Famas. I dedicate this award to my husband who’s with me tonight, thank you for being so patient and understanding of my work. My daughter Olivia, everything I do is for you. And my mom, I’m nothing without you. Thank you,” emosyunal niyang pahayag.
Sa huling bahagi ng speech ni Nikki ay inihandog niya ang kanyang award sa mga Ellen Francisco ng bawat pamilyang Pilipino. “At sa lahat ng Ellen Francisco na pinilin mahalin ang magulang nila. Tama yung ginawa mo, mahalin natin sila hanggang kaya natin at hanggang nandiyan pa sila. This award will only make me continue to give my very best in what I do and the people I work with. Pagbubutihin ko pa po lalo para mas maraming macontribute sa industriyang araw araw kong pipiliin,” huling sambit ng Star Magic artist.
