ITINANGGI ng Kapuso star na si Kazel Kinouchi ang tsismis na nag-uugnay sa kanila ng The Iron Heart star na si Richard Gutierrez. Matatandaang naibalitang si Kazel daw ang dahilan kung bakit naghiwalay sila Richard at asawang si Sarah Labati. Diumano’y third wheel ang dating Pinoy Big Brother discovery sa Richard-Sarah na balitang may relasyon sa ngayon? Sa kanyang TikTok Live, nilinaw ni Kazel ang isyung kanyang kinasasangkutan. Sey ni Kazel, “Thank you for the publicity, pero sad to say it’s not true. Hindi po totoo Yun, kapitbahay lang namin yun. Maawa na po kayo sa akin ,’wag niyo ko pag-chismisan. ” Pakiusap pa niya
ISYU SA PAGITAN NINA KATHRYN BERNARDO AT DANIEL PADILLA, DI KUMPIRMADO
ISA pang usap-usapang hiwalayan sa showbiz ay ang dekada nang màgdyowang sina Daniel Padilla at Kathryn Bernardo. Si Andrea Brillantes ang itinituring dahilan sa hiwalayan ng dalawang sikat na personalidad. Tila hindi tangggap ng Asia’s Superstar na si Kathryn na nagkatikiman ang dalawa habang sila’y mag-on pa ng actor. Sabi nga ng source na si Ogie Diaz, ito’y nasagap lamang nila at hindi pa kumpirmado. Maraming nanghihinayang kung totoo nga ang tsismis, gaya ng actress na si Beauty Gonzales na nagpahayag ng suporta sa dalawa.
Ibinahagi ni Beauty ang kanyang saloobin noong makapanayam ang actress sa mediacon ng seryeng Stolen Life. Nagbigay ito ng mensahe sa Isang Instagram patungkol kay Kathryn na aniya’y gustong–gusto raw nito ang kabaitan ng actress. “I like Kathryn, she’s kinda rebellious now. I wanna be her crying shoulder.” Hindi pa raw niya nakasama sa trabaho. “Hindi pa, di ko pa siya nakatrabaho, but I heard meron siyang project, kept-woman siya.” At kanya raw aabangan ang nasabing project.
