NADAKIP ng mga tauhan ng Muntinlupa City Police Station Warrant and Subpoena Unit, matapos ipinatupad ang Warrant of Arrest (WOA) laban sa Rank 8 Most Wanted Person (MWP) ng lungsod ng Muntinlupa, bandang alas-11:55 ng gabi kamakalawa, sa Barangay BF Homes Parañaque City. Kinilala ni P/Bri.Gen. Mark D Pespes, District Director ng Southern Police District (SPD) ang suspek na si Renerose Dayalo na 34 taong gulang. Nabatid sa ulat ng pulisya, inaresto si Renerose sa bisa ng arrest warrant dahil sa paglabag sa Comprehensive Dangerous Drugs Act of 2002 na umano’y possession of dangerous drugs during party, social gatherings o meetings na sinusugan ng Republic Act No. 9165 sa Article II Section 13.
Isa pang paglabag sa Comprehensive Dangerous Drugs Act of 2002 na umano’y possession of equipment, instrument, apparatus at iba pang paraphernalia dahil sa mapanganib na droga sa panahon ng party, mga sosyal na pagtitipon o pagpupulong na sinusugan naman ng Republic Act No. 9165 Article II Section 14 na naka-docket sa ilalim ng Criminal Case No. 22-707 at 22-708. Ang warrant of arrest ni Dayola ay inisyu ni Honorable Philip Acosta Aguinaldo, Presiding Judge ng Regional Trial Court (RTC), Branch 207, Muntinlupa City na may petsang Oktubre 9, 2023. (Joseph Elias Bontogon)
