MAINIT na pinaguusapan na hiwalay na raw sina Kathryn Bernardo at Daniel Padilla? Lalo pang lumala ang tsismis nang solong nagpunta sa Korea si Kathryn for a photoshoot. Pulos solo shot nga ang laman ng kanyang Instagram minus Daniel. Pero kamakailan lang, nag- viral ang photos kung saan magkasama sila sa Isang event kasama ang celebrity couple na sina Maja Salvador at Rambo Nuñez at ilang kaibigan. Kuha yun sa Omega event kamakailan. Bago yun, nagpost din si Daniel sa social media ng daring photoshoot ni Kathryn para naman sa Preview magazine. So saan nanggagaling na hiwalay na ang mag- jowa? May interview pa si Daniel na tila sinasaway nya ang ilang tao (press) na tigilan na daw ang issue at hindi totoo. Sabi pa nya, madali daw gumawa ng kuwento pero tingnan din kung valid ba yun o imbento.
Hindi naman daw siya o sila ni Kathryn naaapektuhan ng mga ganyang tsismis linking him or Kathryn sa iba. Theirs is more than a decade na at inaalagaan daw nilang mabuti yun. Hinihintay naman ang side ni Kathryn kung anong masasabi nya sa issue nila ni Daniel. Nagsalita na si Daniel kaya sya naman ang inaabangang magbibigay ng pahayag. Mayroon pang Isang pelikulang gagawin si Kathryn after ng super blockbuster na “A Very Good Girl” na iba ang makakapareha nya, ganun din naman si Daniel na 2 din ang nakatakdang gawin na wala rin si Kathryn. “Okey lang yun para pag nagsama kami sa movie, may sabik at kilig”, sabi pa ni Daniel.
ANG Venice Film Festival Golden Lion grand winner na “Poor Things” ang opening film ng 11th edition ng QCinema Film Festival 2023 sa Friday , November 17 kung saan darating ang mga pinagpipitagan at mga de-kalibreng aktor at aktres ng bansa.
May tsikang may tarayan daw na mangyayari dahil magkikita sa event ang dalawang aktres at dalawang comedian that didn’t see eye to eye. Ang “Poor Things” ay Isang dark sexy comedy na bida ang award- winning Hollywood actress Emma Stone. Magsisimula ang QCinema 2023 sa November 17 to 26 at mapapanood ang 65 films in 10 sections sa Gateway and Ali Mall Cineplex, U.P. Town Center – Ayala Malls, Robinsons Magnolia, Red Carpet Cinemas at Shangri-La Plaza, and Power Plant Mall.
Ang QCinema 2023 is brought to you by Film Development Council of the Philippines, Movie and Television Review and Classification Board, Novotel Manila Araneta City, Max’s Restaurant, Finnish Film Institute, Singapore Embassy in Manila, Embassy of France to the Philippines and Micronesia, Embassy of Canada in the Philippines, Taiwan in the Philippines, The Japan Foundation, Manila, and Hong Kong Economic and Trade Office.
