May bagong ganap ang Kapuso actress na si Rhian Ramos—this time, hindi bilang bidang artista sa teleserye kundi bilang host ng bonggang magazine-lifestyle show na ‘Where in Manila’! Ipalalabas ito tuwing Sabado ng 11:30 p.m. sa GMA Network, kung saan itotodo ni Rhian ang kanyang kuda at explorations para ipakita ang mga hidden gems ng Metro Manila at iba pang karatig-lugar.
Sa recent na chikahan kasama ang Pinoy News Channel, inamin ni Rhian na super excited siya sa kanyang bagong role. “I’m very excited to be sharing the beauty that is just in our backyard, nandito lang sa Pilipinas, nandito lang sa Metro Manila,” sey niya.
Sa dami ng ganaps sa Maynila, madalas nakakaligtaan ng mga tao kung gaano ito kaganda at kayaman sa kultura. Sa ‘Where in Manila’, seseryosohin ni Rhian ang pagiging lakwachera—mula sa underrated food spots hanggang sa Instagrammable attractions na bet na bet puntahan ng mga turista.
Ang nakakaloka? Hindi lang ito simpleng lakad-lakad at chikahan—talagang siniseryoso ni Rhian ang pagiging travel and lifestyle host! Kahit sanay siya sa pagiging artista, aminado siyang ibang level ito ng challenge para sa kanya. “I’ve always felt the most comfortable ‘pag meron akong script or meron akong ibang character,” ani niya. “I feel like being a host will really build your confidence in yourself.”
Dahil dito, todo-todo raw ang pag-adapt niya sa pagiging natural at spontaneous sa harap ng kamera. “Also, as a host, just be very honest. On the spot. Kung ano ‘yung naiisip mo about a certain topic, ayun, ilalabas mo siya on the spot in your most honest and authentic way.”
Bet n’yo malaman kung paano nabuo ang ‘Where in Manila’? Well, ito ay dahil sa mga kwento ng kanyang jowa na si Sam Verzosa, na kasalukuyang tumatakbo bilang mayor ng Maynila!
“Nanggaling talaga ‘yung concept ng show na ‘to sa mga kuwento ni SV sa akin kapag may napuntahan na naman siyang lugar,” pagbubunyag ni Rhian sa Pinoy News Channel. Dahil dito, parang naging mission niya ang ibahagi sa lahat ang mga shookt-worthy na lugar sa Maynila na hindi pa gaanong napapansin.
At isa sa pinaka-favorite niyang bahagi ng show? Syempre, pagkain! “Sorry, you’re gonna catch me talking about food a lot because that’s my obsession,” natatawang kwento niya. “I wanna taste everything and eat everything.”
Sa ilang episodes na na-shoot na nila, aminado siyang nakatikim siya ng pagkaing hindi niya inakalang kakainin niya ever. “Through shooting a few episodes, I have eaten things I would have never thought to eat before,” sey niya.
Ayon kay Rhian, gusto niyang basagin ang notion na ang Maynila ay isang plain, crowded, at pangkaraniwang lungsod lang.
“Siguro, iniisip nila that Manila is just a regular city where people just go to work and live and that’s it,” sabi niya. “It’s actually a very deserving tourist spot na I would gladly take my friends and visitors around to really experience the city.”
Dagdag pa niya, hindi lang lugar ang Maynila—isa itong experience! “I believe, Manila in itself is an experience. It’s not just a place but it’s also an experience. It has its own personality na dapat din natin ipagmalaki at ipakita.”
Hindi lang simpleng travel show ang ‘Where in Manila’—isa rin itong advocacy para ipakita ang ganda ng sariling bayan.
“We are doing ‘Where in Manila’ not just to get the viewers to watch the show, it’s not naman para makapag-collect lang ng ratings,” diin niya. “We want to educate and entertain people.”
Naniniwala si Rhian na dapat makita ng mga Pilipino na hindi na kailangang lumayo para maranasan ang magaganda at world-class na destinasyon. “Gusto din namin makapag-instill ng pride sa bawat Pilipino, na ‘yung mga things na akala nila na napapanood or nakikita mo lang sa ibang bansa, ay nandito na din pala.”
Kung hanap niyo ang bagong pampa-good vibes na travel show, siguradong swak sa inyo ang ‘Where in Manila’! Mas lit pa sa K-pop concert ang adventures na ipapakita ni Rhian—mula sa nakakabusog na food trips, hanggang sa secret spots na perfect pang photo-op.
So, mga mars at pars, markahan na sa calendar niyo—Sabado, 11:30 p.m. sa GMA Network! Ready na ba kayo sa ultimate lakwatsa goals with Rhian Ramos?
‘Yun na!
