Walang kaabog-abog na bumanat si Andre Paras sa social media matapos kumalat ang ilang videos online kung saan makikita ang kapatid niyang si Kobe Paras sa isang gabi ng kasiyahan kasama ang kanyang mga tropa. Agad na nilinaw ni Andre ang mga espekulasyon at pinrotektahan si Kobe laban sa mga bashers na aniya’y gustong wasakin ang imahe ng kanyang kapatid.
“Kobe is with his friends and he’s having fun. They are doing it in the right place and time. They are in a club. It’s legal to have fun and make noise there right?” ani Andre sa kanyang paandar na post. Anyare’t biglang naging issue ang simpleng paglabas at pag-chika ni Kobe sa isang legal na club? Tanong ng kuya, “Kung magbabasa ka ng libro o matutulog ka sa club, eh ‘di ikaw na ang kabogera ng taon!”
Pero hindi pa d’yan nagtatapos ang eksena. Binira rin ni Andre ang mga netizens na umano’y may hidden agenda — ang sirain ang reputasyon ni Kobe para lang sa sariling kaperahan. “If you really cared about Kobe then you will not be doing this at all. I know what you’re trying to do. You’re trying to make my brother look like a bad person,” matapang niyang banat.
At para sa mga marites na todo ang tsika tungkol sa mga babaeng kasama sa video? Chill lang mga accla — ayon kay Andre, girlfriend ng mga kaibigan ni Kobe ang mga iyon. Pero syempre, hindi raw binabanggit sa mga post na iyon para lang makalikha ng mas juicy na intriga. “Ganon ba talaga, mga dzai? Isang video lang, may pa-character assassination na agad?”
Hindi rin pinalampas ni Andre ang isyu ng content creators na ginagawang kabuhayan showcase ang pangalan ng iba. “Issue = views, views = monetary gains. I understand how addicting it is to get views and comments on a social media post. But doing it this way? Naku po,” wika niya. Dito na nag-level up si kuya, talagang fierce at walang prenong ibinandera ang kanyang saloobin.
May pa-warning pa siya: “Don’t even try deleting the videos you’ve made or even blocking me. You’ll just be tampering with evidence.” O, diba? May pagka-legal eagle na rin ang lodi nating si Andre. Hindi lang protective, marunong ding pumalag sa classy yet mataray na paraan.
Sa huli, winagayway ni Andre ang bandera ng pagiging tunay na kuya. “Kuya duties unlocked” ang peg — handang makipagbardagulan sa mga nagtatangkang dungisan ang pangalan ni Kobe.
Si Andre Paras, na kilala bilang aktor at dating basketball player, ay anak ng basketball legend na si Benjie Paras. Matagal na rin siyang kilala sa pagiging maalaga at super supportive na kuya ni Kobe, na isa ring basketball star na naglaro sa international stage. At ngayon, muli na namang pinatunayan ni Andre na walang makakalusot sa kanya pagdating sa kapatid niyang mahal na mahal niya.
Tunay ngang, sa bawat intriga, may Kuya Warrior na handang sumalo — at ang pangalan niya ay Andre Paras. Pak na pak!
‘Yun na!
